წყლის სიხისტის განსაზღვრა და წყლის გასუფთავება

ალბათ გიგრძვნიათ, რომ საქართველოს სხვადასხვა რეგიონში წყალს აქვს განსახვავებული გემო, ასევე შეგიმჩნევით რომ წყალში საპონი ან სარეცხი საშუალება განსხვავებულად ქაფდება. რა განაპირობებს ამ განსხვავებას? წყალში საპნის აქაფების უნარზე გავლენას ახდენს მასში გახსნილი ნივთიერებების რაოდენობა, რომელიც ცნობილია სიხისტის სახელწოდებით. წყლის სიხისტე განპირობებულია წყალში მინერალების არსებობით, განსაკუთრებით კი მასში კალციუმის და მაგნიუმის ხსნადი მარილების არსებობით. რაც უფრო მეტია წყალში აღნიშნული მარილების რაოდენობა მით უფრო ნაკლებად ქაფდება წყალში საპონი ან სარეცხი საშუალება. ასევე ხისტი წყალი იწვევს სამზარეულოს ან სააბაზანოს ტექნიკაზე ნადების გაჩენას. წყალში სიხისტის განსაზღვრის ზუსტი მეთოდია კომპლექსონომეტრული გატიტვრა. თუმცა შედარებისთვის წყლის სიხისტის მარტივად განსაზღვრის მიზნით შესაძლებელია მოცემული მეთოდის გამოყენება.